Sababu noti za Sh1,000 na Sh2,000 kuchakaa mapema

Dar es Salaam. Wakati noti zinazoingia katika mzunguko zikitarajiwa kutumia mwaka mmoja na nusu kabla ya kubadilishwa tena, noti za Sh1,000 na Sh2000 zinatajwa kuharibika ndani ya miezi 11 pekee chini ya muda uliopangwa na Benki Kuu ya Tanzania (BoT) kufika.

Hiyo ni kutokana na shughuli nyingi za Watanzania kutumia noti hizo katika manunuzi ya bidhaa na huduma za gharama ndogo, jambo linalozifanya kubadilishana mikononi mwa watu wengi kwa muda mfupi ikilinganishwa na noti za thamani kubwa kuliko zile za Sh5,000 na Sh10,000.